Էկհարտ Թոլլը մեծ ճանաչում ունի որպես մեր ժամանակի
ամենայուրահատուկ և ոգեշնչող հոգևոր ուսուցիչներից մեկը:
Նա չի հավակնում որևէ կոնկրետ կրոնի և ոչ մի ավանդի, և
դրա հետ մեկտեղ, չի հերքում գոյություն ունեցող կրոններից
ու ավանդներից և ոչ մեկը: Նրա խորը, բայց հասարակ ու
պրակտիկ փիլիսոփայությունն օգնել է հազարավոր մարդկանց
գտնել իրենց ներքնաշխարհը, ապաքինվել և ավելի
ամբողջականորեն իրականացվել կյանքում:

Թոլլեի ուսմունքի հիմքը` ներկա պահի հետ հարաբերության
խնդիրն է: Հարաբերությունը ներկայի հետ` հարաբերություն է
հենց իր` իրականության հետ, հենց իր` կյանքի հետ, քանզի
այն (կյանքը) գոյություն ունի միայն այժմ:

Մարդկանց խնդիրների մեծ մասը լուծում չի ստանում,
որովհետև նրանք չեն սովորում ապրել հիմա ու այստեղ:

Այստեղ, ներկայում է նաև մեր մարմինը, և
գոյության ուրախությունը, և սերը, և Աստված:

Բայց պարադոքսն այն է, որ մեզ իրական Կյանքից բաժանում
է միտք կոչվող մի ինչ-որ էներգետիկական կազմություն,
որն այդ նպատակի համար օգտագործում է կորցնելու վախի
վրա հիմնված շատ էֆեկտիվ, մեծաքանակ էներգիաներ խլող
տեխնոլոգիաներ, ինչպիսիք են՝  անհատական պատմության
պատրանքային կերպարի ստեղծումը, անբավարարվածություն
անցյալից, վախ ապագայի հանդեպ, նույնացնելը քեզ սոցիալական
կարգավիճակի և նյութական ձևերի հետ: Միայն գիտենալն այդ
«մտքի տեխնոլոգիաները», հետևելը նրանց քո մեջ որպես օտար
մարմինների, թույլ է տալիս մարդուն ազատվել բազմաթիվ
պրոբլեմներից և իր կենսաուժը պատրանքների վրա չծախսել: