Ամանորի լավագույն նվերը. մոգական գրքեր 7-12 տարեկանների համար
11.12.2024
Ամանորի նվերների ընտրությունը միշտ էլ հետաքրքիր է, հատկապես, երբ խոսքը վերաբերում է երեխաներին։ Բայց ի՞նչը կարող է լինել ավելի լավ նվեր, քան գիրքը, որը կդառնա երեխայի լավագույն ընկերը։
7-12 տարեկանում երեխաները սկսում են ավելի անկախ մտածել, և նրանց համար գիրքը կարող է լինել ոչ միայն կարդալու, այլ նաև նոր մտահորիզոններ բացելու հնարավորություն։
Ահա մի քանի գրքեր, որոնք խոր հույզեր, բարոյական արժեքներ եւ ուսանելի պատմություններ են փոխանցում։
1. Ջոան Ռոուլինգ - «Հարրի Փոթեր»-ի բոլոր մասերը
«Հարրի Փոթերի» գրքերի շարքը շատ նման է հեքիաթի. կարդալով այն՝ կարծես անցնում ես մոգերի կախարդական աշխարհ, որտեղ ամեն բան հնարավոր է՝ կախարդություններ, մոգություն և պայքար այնպիսի հզոր ուժերի դեմ, որոնք կարող են փոխել ամբողջ աշխարհը:
Գրքերը թարգմանվել են ավելի քան 80 լեզուներով։
2. «Սուրբ Ծննդյան պատմություններ»
Զարմանահրաշ պատմությունների այս ժողովածուն ընդգրկում է 16 հեղինակների ստեղծագործություններ, որոնցից շատերն առաջին անգամ են թարգմանվել հայերեն:
Գիրքն ունի 2 բաժին՝ հեքիաթներ և պատմվածքներ, որոնք նախատեսված են և՛ փոքրիկների, և՛ մեծահասակների համար:
3. Չարլզ Դիքենս - «Սուրբ Ծննդյան երգը»
«Սուրբ Ծննդյան երգը» պատմում է Էբենեզեր Սքրուջ անունով մի կոպիտ և ագահ մարդու մասին, ով Սուրբ Ծնունդը միայն «կախարդանք» ու «տարօրինակություն» էր համարում։ Սքրուջը չի ճանաչում սեր, բարություն և ընկերասիրություն: Նա միայն փողի մեջ է գտնում երջանկությունը։ Բայց հենց Սուրբ Ծննդյան նախաշեմին նա տեսնում է երեք տարօրինակ երազ:
Լավ, եկեք չբացենք չակերտները: Նվիրեք ձեր փոքրիկին այս հրաշքներով լի գիրքը:
4. Բաում Լայմըն Ֆրենկ - «Սանտա Կլաուսի կյանքն ու արկածները»
Սա մի գեղեցիկ և հեքիաթային պատմություն է, որտեղ պատմվում է, թե ինչպես է Սանտա Կլաուսը դարձել մանուկների սիրելի մարդ, ով Սուրբ Ծննդյան օրը նվերներ է բերում լավ երեխաներին։ Գրքի մեջ Սանտա Կլաուսը սկզբում չէր համարվում այն մարդը, որը մենք այսօր պատկերացնում ենք՝ նա երիտասարդ տղա էր, որը բնակվում էր Ֆոսսի-Վալլի կոչվող կախարդական վայրում։
5. Ֆլեթչեր Թոմ- «Տոնազավրը և ձմռան կախարդը»
«Տոնազավրը եվ ձմռան կախարդը» գիրքը երեխաներին հրաշալի հնարավորություն է տալիս ծանոթանալու ամանորյա մոգությանը՝ միաժամանակ նրանց առաջարկելով զվարճալի ու խորքային պատմություն, որը միևնույն ժամանակ արժեքավոր բարոյական դասեր է տալիս։
6. Ֆլեթչեր Թոմ- «Տոնազավրը և ամանորյա հրաշքը»
Այս պատմությունն ունի նաև կարևոր բարոյական նշանակություն. այն ընդգծում է, որ Սուրբ Ծննդյան իսկական հրաշքը ոչ թե նվերների քանակն է կամ սնունդը, այլ բարությունը, ընկերությունը և միմյանց հանդեպ սիրո դրսևորումները։