«Վիլ-Էվրար» բուժարանում, ի թիվս այլոց, ապաստան է գտել և բուժվում է հայ հանճար Կոմիտասը... Աշխարհից կտրված, արտաքուստ խաղաղ, թվում է, ծույլ կյանքով ապրող այս կղզյակում իրականում եռում են մարդկային կրքերը, ստեպ-ստեպ շիկանում են խնամարկյալների, բուժարանի անձնակազմի փոխհարաբերությունները: Այստեղ տեղ ունեն ատելությունը, վրեժխնդրությունը, սերը...Իսկական մեծ սերը: Այստեղ, պարզվում է, հոգեկան հիվանդությունը կարող է բուժվել Կոմիտասի ամենազոր երաժշտության միջոցով:

  «Վիլ-Էվրարը» մոսկվայաբնակ հայ հեղինակ Մարկ Արենի՝ հայերեն թարգմանված երկրորդ գիրքն է: Առաջինը՝ «Այնտեղ, որտեղ ծաղկում են վայրի վարդեր. անատոլիական պատմություն» վիպակը, վաղուց արդեն բեսթսելեր է դարձել՝ ունենալով 4 հրատարակություն: