«ԽՈԶՈՆ» բազմաֆունկցիոնալ խաղ է՝ նախատեսված է մի քանի տարիքային խմբերի համար: 

2+՝ խաղի միջոցով երեխաները նախ կծանոթանան կենդանիներին, նրանց տեսակին, ինչ սնունդ են ուտում, ապա առանձին սնունդ-քարտերի միջոցով կգտնեն յուրաքանչյուր կենդանու համար նախատեսված սնունդ-քարտերը: 

4+՝ այս տարիքի երեխաների հետ խաղը խաղալուց, խաղը կարելի է համեմել մտքով ու արագությամբ: Կարելի է բացել կենդանիների քարտերը և տեսնել, թե ով ավելի արագ կկողմնորոշվի և կգտնի տվյալ կենդանուն համապատասխան սնունդը: Կենդանիներ քարտերի վերևում նշված է նրանց դասը, որոնց օգնությամբ ծնողները հեշտությամբ երեխաներին կսովորեցնեն տարբերակել նրանց նաև ըստ դասերի: Խաղաքարտերի բազմազանությունը թույլ է տալիս իրագործել սեփական մտքերը, որը շատ կնպաստի երեխայի տրամաբանության զարգացմանը հատկապես այս տարիքային խմբի համար:

6+՝ այս տարիքի երեխաների համար արդեն կարելի է խաղալ խաղի կանոնների պարզ տեսակով,
որը մանրամասն բացատրված է կանոններում: Խաղը կնպաստի երեխաների տրամաբանության զարգացմանը, որոշումներ կայացնելու հմտություններին, կզարգացնի ուշադրությունը:

8+ և չափահասներ՝ այս տարիքի համար խորհուրդ է տրվում խաղալ արդեն խաղի դասական տարբերակով: Ի՞նչ է իրենից ներկայացնում դասական տարբերակը: Կենդանիներ խաղաքարտերում կան տարբեր դասի ներկայացուցիչներ՝ թռչուններ, միջատներ, սողուններ, կաթնասուններ: Կենդանիներին պետք է կերակրել համապատասխան սնունդով, ձեռք բերել նրանց, պաշտպանել կամ դժվարացնել մյուսների առաջխաղացումը հատուկ քարտերի միջոցով: Կենդանիների որոշակի քանակ ունենալով ստանում եք մեդալներ: Այն մասնակիցը, ով առաջինն է ունենում նշված քանակի մեդալ, նա էլ հաղթում է: 

Իհարկե պատահական չէ, որ խաղի անունը հենց «ԽՈԶՈ» է: Չնայած Խոզոն ամենաբկլիկն է, բոլոր մասնակիցները պայքարում են հենց նրան ձեռք բերելու համար: Այ թե ինչու՞, կիմանաք խաղալու
ընթացքում։

Խաղի տևողություն - 30-40 րոպե

Տարիք`  2+,4+, 6տ+ երեխաներ, չափահասներ

Մասնակիցների քանակ - 2-6 հոգի

Պարունակում է ՝

 163 խաղաքարտ,

 13 մեդալ