Գրքում զետեղված են ՀՀ-ում լայնորեն տարածում ստացած դեղաբույսեր հանդիսացող՝ պտուղների, բանջարեղենների, հատապտուղների, ծաղիկների մորֆոլոգիական, բուժական և այլ օգտակար, ինչպես նաև վնասակար ազդեցությունները՝ բերված ինչպես հին ու նոր, այնպես էլ գիտական բժշկության մեջ հայտնի տվյալներ և բազմամյա փորձը: Հեղինակի հիմնական նպատակն է օգնել որոշ հիվանդություններ բուժել տնային պայմաններում՝ օգտվելով բնության բարիքներից: Բազմաթիվ հիվանդությունների համար առաջարկվում են հիմնական դեղատոմսեր՝ փորձված և կիրառված: Շատ հիվանդությունների դեպքում բնամթերքների օգտակար և վնասակար ազդեցությունների մասին տրվում են օգտակար խորհուրդներ: Առաջարկվում է շուրջ 150 տեսակի հիվանդությունների բուժման միջոցներ (բնամթերքներով, դեղաբույսերով, հյութաբուժությամբ, արյունաբուժությամբ և նույնիսկ հեքիմական միջոցներով), ինչպես նաև ներկայացված է 500 և ավելի դեղատոմսեր տարածված և ոչ տարածված հիվանդությունների բուժման համար: Նկարագրված է, թե ինչ պետք է անել առաջին օգնության ժամանակ որոշ երևույթների դեպքում և թե ինչ բնամթերքներից կարելի է օգտվել, ինչպես նաև բնամթերքների տեսակներում (բույսեր, բանջարեղեն, մրգեր, հատապտուղներ, մսամթերք) վիտամինների, միներալների պարունակության չափը: ԲՈՒԺՈՒՄ գիրքը նախատեսված է բոլոր նրանց համար, ովքեր ցանկանում են լինել առողջ: