Դավիթ Հ. Հակոբյանի հեղինակած այս դրամատիկ վեպը պատմում է շեմին կանգնած փոքրիկ տղայի մասին, որը ներս գալու հրավեր է ստանում: Հայտնվելով ներսում՝ մութ սենյակում, ընկերանում է ներս հրավիրողի հետ և նրա օգնությամբ սկսում է մեծ ոգևորությամբ ճանաչել իրեն անծանոթ աշխարհը: Փոքրիկը երբեմն հիանում է այդ աշխարհով, երբեմն՝ հուսախաբ լինում: Նա այնքան է սիրում իր նոր ընկերոջն ու ճանաչածը, որ որոշում է ամեն գնով օգնել աշխարհին՝ պատկերացում չունենալով անգամ այն ուժի մասին, որը ողջ ընթացքում փորձելու է Փոքրիկից խլել ընկերոջը, հավատը, սերը և նրա մեջ ծնված համառությունը: