«Գրական կոթողներ» մատենաշարը ընթերցող հանրությանն է ներկայացնում Հին Հռոմի պետական և քաղաքական գործիչ, զորավար, գրող Հուլիոս Կեսարի (Ք.ա. 12.VII.100-15.III.44) անունով ավանդված ամբողջ գրականության՝ «Կեսարյան կորպուսի» առաջին աշխարհաբար թարգմանությունը: Հատորը բաղկացած է 5 գործից՝ Կեսարի գրչին պատկանող «Նոթեր Գալլիական պատերազմի մասին», «Նոթեր քաղաքացիական պատերազմի մասին», ինչպես նաև Կեսարի շարունակողների առանձին երկերը՝ «Ալեքսանդրյան պատերազմ», «Աֆրիկյան պատերազմ», «Իսպանական պատերազմ», որոնք, ամբողջացնելով նոթերի նյութն իբրև նույն շարքի միավորներ, ավանդաբար կրում են Կեսարի անունը: