Նաիրա Մկրտչյանի «Երազների խորհրդավոր աշխարհում» գիրքը հարկավոր է դիտարկել երազների մասին բազմաթիվ այլ գրքերի հետ համատեղ: Գրքի նպատակն է՝ բացատրել, թե ինչ է երազը, ինչպիսի խորհրդանիշներ կան, օգնել մարդկանց հասկանալ սեփական երազները, ցույց տալ դրանց կարևորությունը: Գրքում տեղ են գտել տարբեր աղբյուրներից (գրքերից, համացանցային ֆորումներից, անձնական զրույցներից) ստացված երազների բազմաթիվ օրինակներ: Դրանց միջոցով հեղինակը բացատրել է վերլուծելու ձևը, որպեսզի ընթերցողը փորձի հասկանալ և ինքնուրույն մեկնաբանել իր երազները: Սա, կարելի է ասել, սեղանի գիրք է, որը ժամանակ առ ժամանակ հարկավոր է վերընթերցել: Գիրքը գրված է պարզ ու հասկանալի լեզվով և նախատեսված է ընթերցողների լայն շրջանակի համար: