Ճակատագրի կամոք երկիր Նաիրին ու նրա հավատավոր, արարող ժողովուրդը ապրում ու հարատևում են իրենց պատմական Հայրենիքում: Հարյուրամյակների ընթացքում ինչե ~ր ասես, որ չեն տեսել ու տարել Հայկ նահապետի զավակները: Մասիսահայաց երկրի զավակներիսուրբ հողը ով ասես, որ չասպատակեց: Թալանի, կրակի ու մահի ճիրանների միջից մազապուրծ եղավ իր ամրակուռ բազուկների ու միասնության, հայրենասիրության, քաջության շնորհիվ: Եվ այսպես, գլորվեցին դարերը, մինչև քսանմեկերորդ: Նույնիսկ քաղաքակրթության արդի ժամանակաշրջանում մեր ամբարիշտ ու նենգ հարևանները խելքի չեկան, չհասկացան մի պարզ ճշմարտություն, այն է. մեր ազգը սերում է մ.թ.ա. վաղնջական ժամանակներից, մինչդեռ իրենք թափառական ու վայրի ցեղերի մնացորդներ են և դեռ շա~տ հեռու են քաղաքակրթության դարպասներից: Ցեղասպան ու արյան ծարավի հրոսակները, տեռորի մոլուցքով առաջնորդվող այս վայրի ցեղերը երբեք ազնիվ չեն գտնվել հայ ազգի նկատմամբ, դարեր շարունակ աչքերը չռած է եղել մեր տարածաշրջանի վրա: Վ. Շահինյանի այս վիպակը ազնվագույն պոռթկում է 2020 թվականի 44-օրյա իրադարձությունների ու մեր հետախույզների անձնվեր աշխատանքի մասին: