Պատմաբան, գրող, լրագրող, մատենագետ, մշակութաբան Տիգրան Պետրոսյանցը «Զաքարե. Հայոց շահնշահ, թագավոր, արքա, կեսար, ինքնակալ, տիեզերակալ» պատմաքաղաքական վեպի նախնական տարբերակը՝ 72 էջի վրա, գրել է 1967 թվականին: Մինչև 2005 թվականը հեղինակը խորությամբ ուսումնասիրել է XII-XIV դարերի Հայոց պատմությունը կերտած Զաքարյանների, նրանց ժամանակի, ստեղծած անկախ պետականության պատմությունը և շարադրել պատմավեպի վերջնական տարբերակը: Զաքարյանների ստեղծած անկախ պետականության՝ Հայք-Հայաստանի վերաբերող գիտելիքները հայ պատմաբաններն էլ գիտեին ու գիտեն: Բայց նրանց գործերում բացակայում է վերջնական եզրակացություն անելու համարձակությունը: Հեղինակը սույն պատմավեպում արել է հենց այդ քաղաքական եզրակացությունը, որ Զաքարե շահնշահը բացարձակ անկախ Հայք-Հայաստան պետություն է կերտել: