Այս գիրքն այն ճշմարտությունների և խոստման մասին է, որ Արարիչը տվել է մարդուն իր ստեղծման օրից սկսած , և,սակայն, որոնք մարդը չի տեսնում, քանի որ մոլորվել է և իր իսկական բնությունը մոռացել: Այս գիրքը բացում է մարդու հոգու տեսողությունը,և ով կարողանա հասնել այն ամենին, ինչ գրված է գրքում, կլինի խաղաղ, միշտ ուրախ և երջանիկ:
Գրքում արծարծվում են բազմաթիվ հարցեր մարդկային հարաբերությունների, ամուսնության, առողջության, ուրախության և տխրության, երևելիի և աներևույթի, ստի և ճշմարտության մասին:
Տրվում են դրանց պատասխանները, այս գիրքը Աստծո խոսքն է այն ամենի մասին, ինչ կատարվում է, և , որ Արարիչն ամեն ակնթարթ խոսում է քեզ հետ, լսում է քեզ, միշտ քեզ հետ է , քո կողքին ցանկացած ձևով, տեսքով, որը և կարող է անհասկանալի լինել մեզ:
Ճշմարտություններ, որ մինչև այժմ կորսված և թաքցված են եղել մեզնից, քանի որ չեն ուզեցել մենք լիարժեք կյանքով ապրենք, սիրենք մեր բնությունը, և այն ամենը, ինչ Տերն է ստեղծել մեր լավագույն գոյության համար. փոխարենը՝ չարացել ենք, պատերազմել, ագահացել, չենք գոհացել մեր ունեցածով: