Ամերիկացի դասական Էռնեստ Հեմինգուեյի արձակը ծանոթ է հայ ընթերցողական լայն շրջանակներին, իսկ ահա նրա պոեզիան շարունակում է անհայտ մնալ: Մինչդեռ նշանավոր արձակագիրը նաև բանաստեղծություններ է գրել, հատկապես երիտասարդ տարիքում՝ 1920-1923 թվականներին: Դրանք հիմնականում անմիջական անդրադարձներ են մարդկային այն ծանր ապրումների, որ նա ունեցել է առաջին համաշխարհային պատերազմի օրոք. գրողն այդ ժամանակ ծառայել է իտալական գործող բանակի հետևակային զորագնդում: 

  Ընթերցողներին ենք ներկայացնում Հեմինգուեյի՝ պատերազմական և այլ թեմաներով բանաստեղծությունները, որոնք կազմում են գրողի պոետական ժառանգության կարևոր մասը: Բանաստեղծ Հեմինգուեյի հետ ծանոթությունը լրացուցիչ ազդակ կլինի հայ ընթերցողներին՝ մեկ անգամ ևս խորամուխ լինելու նրա մեծարժեք ստեղծագործությունների մեջ: