Ամերիկացի հանրահայտ դերասան, կինոռեժիսոր, պրոդյուսեր, սցենարիստ Թոմ Հենքսը նաև լավ գրող է: Հենքսի գրական ստեղծագործությանն առաջին անգամ մայրենիով ծանոթացող հայ ընթերցողը կհամոզվի, որ նա տաղանդավոր է ոչ միայն կինոյի, այլև գրականության բնագավառում:

  «Ֆիլադելֆիա», «Ֆորեստ Գամփ» ֆիլմերի համար «Օսկար» կինոմրցանակի կրկնակի դափնեկրի՝ հումորով թաթախուն, բարի պատմվածքներն արժանացել են ոչ միայն ամերիկյան, այլև տարբեր երկրների ընթերցողների համակրանքին: Դրանցում ժամանակակիցները սարոյանական շունչ են զգում: Այս նշելով՝ «Kirkus Reviews» գրական հանդեսն, օրինակ, ընդգծում է, որ նա գրում է որպես իսկական գրող և ոչ թե որպես բազմազանություն ցանկացող կինոաստղ: