«Հովհաննես Թումանյանի անձնական գրադարանի մանկական գրքեր»
ենթամատենաշարով ընթերցողին է հանձնվում Սիբիլ ֆոն Օլֆերսի
/1881-1916/ անդրանիկ ստեղծագործությունը` «Ձյունեղեն երազը»:
Այն պատմում է փոքրիկ աղջնակի` Մարիլենկենի և նրա մոր սիրո ու
քնքուշ կապվածության մասին: Իրադարձությունները տեղի են ունենում
ձմեռային գեղեցիկ ու կախարդիչ բնապատկերի միջավայրում, որ մանկան
վառ երևակայությամբ կենդանանում է: Այս նուրբ ու գողտրիկ պատմությունը
հասցեագրված է մանուկ ընթերցողին, որը, վստահ ենք, հաճույքով կկարդա
Մարիլենկենի զարմանալի արկածների մասին:

Հրատարակության նպատակն է փոքրիկ ընթերցողին ներկայացնել Հովհ.
Թումանյանի անձնական գրադարանում պահվող գերմանական մանկական
գրականության հետաքրքիր նմուշերից մեկը` փոխադրված հայերենի: