«Հայկական գինիներ» մասնագիտացված ամենամյա հեղինակային ուղեցույցի 4-րդ հրատարակությունը ներառում է 200 լավագույն նմուշները, որոնք, գնահատվելով 100 միավորանոց սանդղակով, արժանացել են 86 և ավելի միավորի: Ուղեցույցի հեղինակ Արթուր Սարգսյանը, որը Հայաստանի սոմելյեների և փորձագետների միության, Ռուսաստանի սոմելյեների և փորձագետների ասոցւիացիայի ղեկավարն է, Ռուսաստանի վաստակավոր սոմելյեն, անձամբ այցելել է գինեգործական տնտեսություններ, որոնց նկարագրությունը տեղ է գտել գրքում: Ընտրվել են լավագույն գինիները, որոնց որակը լրացուցիչ ստուգման է ենթարկվել: Գինիները ոչ միայն գնահատվում են 100 միավորանոց սանդղակով, այլև նշվում է գնի ու որակի հարաբերակցության, դրական գավաթե վարկանիշը: Տրվում են նաև խորհուրդներ՝ մատուցման ջերմաստիճանի և գաստրոնոմիական զուգադրության վերաբերյալ: Ամենահետաքրքիր գինիները, որոնք ստացել են, ոսկե (89-91 միավոր) և պլատինե (92 միավոր և բարձր) մակարդակի գնահատականներ, ներկայացված են համտեսի հեղինակային նկարագրությամբ՝ ներառյալ ներուժը՝ շշալցված պահելու համար: Գիրքը ներառում է Հայաստանի (Արարատյան դաշտ, Արագածոտն, Վայոց Ձոր, Տավուշ) և Արցախի գինեգործական հիմնական շրջանների նկարագրությունները: