«Աստղերու հաւատքով» գիրքը, Գալիֆորնիոյ հասարակական- քաղաքական կեանքի մէջ կարեւոր հեղինակութիւն ունեցող գործիչ՝ Դոկտ. Վիգէն Յովսէփեանի (Ալեքս Յովսէփեան) բանաստեղծությիւններու առաջին գիրքն է: Հեղինակը գեղարուեստական լեզուով ցոյց կու տայ աշխարհի, մարդոց, բնութեան հետ իր կապը, կը ներկայացնէ զգացմունքներ, որոնք, ապրուելով դարձած ենբանաստեղծութիւններ: Ան, բանաստեղծութիւն գրելը եւ ընդհանրապէս՝ ստեղծագործելը, այսօրուայ դաժան ու նիւթականացած աշխարհի կարգերու դէմ պայքարի միջոցներէն կը համարէ: Հիւթեղ բառապաշարով գրուած գիրքին մէջ կը զգանք արեւմտահայ բանաստեղծութեան ոգին, որ այսօր նոր շունչ կը ստանայ արեւմտահայերէնով ստեղծագործողներու շնորհիւ: Վիգէն Յովսէփեանը, ստեղծելով այս գողտրիկ գրականութիւնը, ոչ միայն իր ներաշխարհը կը բացահայտէ, այլեւ՝ ընթերցողին կը փախանցէ արեւմտահայերէնը պահելու, փայփայելու եւ խօսելու հրամայականը: Ընթերցողը անոր մէջ կը գտնէ սիրոյ, կարօտի, բաժանման, հիասթափութեան եւ ի վերջոյ՝ անկեղծ ապրելու եւ նուիրուելու վեհ եւ մարդկային զգացմունքներ: