Օրեցօր առաջնորդվելով հաջողության այս պարզ ծրագրով՝ դուք
աստիճանաբար կհասկանաք մեկ կարևոր ճշմարտություն. դուք
«բնության մեծագույն հրաշքն եք»… Դուք հազվագյուտ և յուրահատուկ
արարած եք: Դուք մի քանի միլիոն տարվա էվոլյուցիայի վերջնարդյունքն
եք: Դուք և՛ ուղեղով, և՛ մարմնով առավել եք Սողոմոնից, Կեսարից կամ
Պլատոնից և ի զորու եք ձեր կյանքը դարձնել գեղեցիկ ու իմաստալից:
Դուք ձեզանից առաջ ապրած ցանկացած մեկից ավելի մեծ ներուժ ունեք:
Բայց դուք երբեք «որևէ բանի չեք հասնի», եթե ձեռքներդ ծալած նստեք և
աշխարհին պատմեք, թե վաղվանից ինչպիսի մեծություն եք դառնալու…