Բառարանում տրվում են Պատմական Հայաստանի Կարսի նահանգի և Գյումրու լանդշաֆտի բարբառային միավորները՝ յուրաքանչյուր տարածքին հատուկ բառային իմաստներով ու նշանակություններով: Ելնելով այն հանգամանքից, որ ընդհանուր շատ եզրեր ունեն Կարսի և Գյումրու բարբառային միավորները՝ բառարանում երկու բարբառների բառային ատաղձը տրված է միասնական սկզբունքով. առանձին նշումով տրվում են այն բառերը, որոնք հատուկ ենբարբառներից յուրաքանչյուրին: Բառարանում առանձնացված են գլխաբառերը, հոմանշային կարգով մեկնաբանված է դրանց բացատրությունը, տրված են հարադրությունները, բառական համանունները և այլն:

   Բառարանն օգտակար կլինի լեզվաբանների, բարբառագետների, ազգագրագետների, պատմաբանների և բոլոր նրանց համար, որոնց հետաքրքրությունների ոլորտում են Կարսի նահանգի և Գյումրու պատմությունը, կենցաղը, լեզուն և մշակույթը: