«Նուպարը» Ավետիս Թէրզիպաշեանի՝ ժամանակին Սփյուռքում լայն տարածում գտած եռագրության երկրորդ գիրքն է։ Առաջինը «Արծիւը իր բոյնին մեջ» ( 1938թ․) երկասիրությունն է, որին մեկ տարի անց հաջորդեց «Նուպարը» և 1942-ին լույս տեսավ երրորդը՝ «Անդրանիկը»։ Գիրքն ամբողջովին նվիրված չէ Պողոս Նուպարին։ Հեղինակը նպատակ է դրել ներկայացնել 20-րդ դարասկզբի հայ հասարակական քաղաքական կյանքի առաջին տասնամյակները, որտեղ առանցքային գործիչներից մեկն էլ մեծանուն քաղաքական գործիչ, գործարար, Հայկական Բարեգործական Ընդհանուր Միության հիմնադիր Պողոս Նուպար փաշան է։
Հայաստանում լույս է տեսնում առաջին անգամ։ Հասցեգրված է հայ ժողովրդի համար բախտորոշ իրադարձություններով հագեցած ժամանակաշրջանն ուսումնասիրողներին, ընթերցող լայն շրջանակներին։