Վեպում նկարագրված իրադարձությունները տեղի են ունենում Հայաստանի համար չափազանց բարդ ժամանակաշրջանում՝ 2018-2022 թվականներին: Երկիրը չի կարողանում դիմակայել օրվա մարտահրավերներին և սրընթաց գահավիժում է դեպի անդունդ: Համատարած սուտ ու կեղծիք, թշնամանք ու ատելություն: Եվ ամենասարսափելին՝ պատերազմ ու պարտություն, հազարավոր զոհեր ու հայրենիքի մի հսկա մասի կորուստ: Այս ամենի հիմնական մեղավորները իշխանավորներն են՝ երկրի առաջին դեմքի գլխավորությամբ: Համենայնդեպս՝ դրանում համոզված են վեպի գլխավոր հերոսները՝ Պողոսն ու Աչոնը: Եվ ահա, նրանք որոշում են պատժել մեղավորներին: Բայց մինչ յուրաքանչյուր գործողության անցնելը գրքի հերոսները պիտի հիմնավորեն պատժվողների մեղավորությունը: Իսկ բուն պատիժը չափազանց յուրահատուկ է, և դրան ուղղված գործողությունները ողջ վեպի ընթացքում լարվածության մեջ են պահում ընթերցողին: