«Սահմանները մեր գլխում են» գրքում հեղինակը ներկայացրել է իր 30 և ավելի տարիների աշխատանքային փորձի, գիտական աշխատությունների, սեփական ուսումնասիրությունների ու զրույցների արդյունքում ստացած հետևություններն ու եզրահանգումները: Աշխատության մեխը ձեռքբերովի փոփոխություններն են (էպիգենետիկան), որոնք կարող են դառնալ լուրջ հիվանդությունների պատճառ և փոխանցվել գենետիկորեն՝ առանց ԴՆԹ-ի կառուցվածքը փոխելու, բայց փոխելով սպիտակուցների և հորմոնների սինթեզման, վիտամինների և միկրոէլեմենտների յուրացման մեխանիզմը, որն էլ իր հերթին կարող է բերել ժառանգական ինֆորմացիոն ֆոնի փոփոխության: Իզուր չի ասվում՝ գենետիկան ենթադրում է, իսկ էպիգենետիկան՝ տնօրինում: Գիրքը հեղինակի հոգու ճիչն է և արյան կանչը, որը երանգավորվում է նրա իսկ նուրբ հումորով: Իսկ ինչպե՞ս երկարացնել մարդու կյանքը. պարզապես պետք չէ այն կարճացնել: