Նովելների այս շարքն իր մեջ ներառում է մտորումների, խոստովանությունների, բարդ ու հակասական հարաբերությունների, սիրո ու նվիրումի, ընդվզումի ու մաքառման, ներդաշնակի ու վստահության, տառապանքի, երազանքի ու հաղթանակի, ի վերջո՝ հավատարմության ու կատարյալի, բարու և չարի հավիտենական անհաշտ պայքարի մի փունջ: Ամենուրեք հեղինակը ներկայանում է իր ընկալումների յուրահատուկ դիտողականությամբ, շրջահայաց ու բարի խորհրդածություններով, մշտապես ընթերցողին ուղեկցում գեղեցիկի ու զգայականի այն ոլորտը, որը մեր ժամանակներում խիստ պակասում է: Ամեն մի նովել ձեզ կօգնի ձերբազատվել հոգսերից, մտորել վեհի ու գեղեցիկի մասին, կօգնի, որ ձեր օրերը իզուր չանցնեն: